A PRIVACIDADE NA REDE

Os que utilizades con frecuencia os ordenadores da Biblioteca seguro que xa nos tedes escoitado algún "discursiño" sobre os perigos na Rede, sobre que debedes ser conscientes de que todo o que colguedes en páxinas de Internet é público.

A través do Mesturas, blog da Biblioteca do IES Sánchez Cantón chéganos unha iniciativa da Axencia Vasca de Protección de Datos onde se mostran as malas prácticas e os abusos na difusión da imaxe na Rede.
Este é un exemplo do que podedes ler na páxina da que vos estamos a falar.

"Se tes un segredo que contarlle a un amigo, seguro que non o fas poñendo un anuncio no taboleiro que hai no bar ao que vas cos teus colegas..."